លោកអ្នកបានព្យាយាម​រកឱ្យ​បាន​អតិថិជន​ជាម៉ូយ​​នៅពេលលោកអ្នកបានចាប់ផ្តើមអាជីវកម្ម។ ប្រហែលជាលោកអ្នកទូរស័ព្ទរក​អតិថិជន លោកអ្នកបានទទួលជោគជ័យ និងមានលក្ខណៈសម្បត្តិគ្រប់គ្រាន់សម្រាប់ MDRT ប៉ុន្តែលោកអ្នកនៅតែត្រូវការបណ្តាញអនាគតអតិថិជន។ តើពួកគេនឹងមកពីណា?

មុនពេលយើងចាប់ផ្តើមពិនិត្យមើលយុទ្ធសាស្ត្រនានា នេះជាមេរៀនសំខាន់បំផុតដែលយើង​ត្រូវ​​ជំរាបជូន។ អ្នកប្រឹក្សាយោបល់ហិរញ្ញវត្ថុដែលមានបទពិសោធនៅភាគខាងជើងរដ្ឋកាលីហ្វ័រញ៉ា និយាយថា៖ “លោកអ្នកអាចកាប់ដើមឈើមួយដើម ដោយប្រើញញួរមួយ”។ ពិតមែនដែលថា រណាយន្តមួយអាចកាត់បានលឿននិងងាយស្រួលជាង ប៉ុន្តែការតស៊ូអាចទទួលបានជោគជ័យ។

ដោយមិនគិតពីពេលវេលារបស់អ្នកចំពោះការខិតខំធ្វើការនោះ ភ្នាក់ងារនិងអ្នកប្រឹក្សាយោបល់ជាច្រើននាក់បានអនុវត្តយុទ្ធសាស្រ្តថ្មីមួយ ហើយស្ទើរតែដល់ចំណុច​ដែលខ្លួន​ជួញ​ដូរ​បានសម្រេចហើយ​ ស្រាប់តែពួក​គេ​និយាយថា៖ “វាជាយុទ្ធសាស្ត្រឆោតល្ងង់មួយ។ វាមិនដំណើរការទេ។” ពួកគេបោះបង់វាចោល។ ពួកគេកំណត់យុទ្ធសាស្រ្តដែលបរាជ័យ​​បន្តបន្ទាប់​គ្នា​​មក​ប្រើ​ជំនួស​ឱ្យ​ការបន្ត​ប្រើ​យុទ្ធសាស្រ្តតែមួយ និង​សម្របសម្រួល​វា​ពេល​ដែលខ្លួនបន្ត​ប្រើ។

ឥឡូវនេះ សូមមើលវិធី 12 យ៉ាង ដើម្បីបំពេញបណ្តាញនោះ។ ពួក​គេផ្តល់​ជា​លទ្ធផលទាំងអស់ ប៉ុន្តែមានគុណសម្បត្តិនិងគុណវិបត្តិ។ គំនិតទាំងនេះ ភាគច្រើនបានទទួលមកពីអ្នកប្រឹក្សាយោបល់ក្នុងវិស័យនេះ។

1 បណ្តាញផ្សព្វផ្សាយ​សង្គម។ វិធានការដោះស្រាយបញ្ហាចុងក្រោយ។ លោកអ្នកផ្សព្វផ្សាយអ្វីមួយនៅទីនោះ ហើយមនុស្សនឹងមានទំនាក់ទំនងដោយនិយាយថា៖ “ខ្ញុំចង់ធ្វើកិច្ចការជំនួញ”។
គុណសម្បត្តិ៖ វាមានតម្លៃថោក និងពេញនិយម។ លោកអ្នកបង្កើតការទទួលស្គាល់ឈ្មោះ ការចាត់​តាំង​ខ្លួនឯងជាអ្នកជំនាញដែលមានសិទ្ធិ។
គុណវិបត្តិ៖ក្រុមហ៊ុនជាច្រើនមានការកំណត់លក្ខខណ្ឌស្តីពីរបៀបដែលលោកអ្នកអាចប្រើវាបាន។ វាជាផ្នែកដែលមានមនុស្សច្រើន។ LinkedIn បានរៀបចំបញ្ជីលទ្ធផលចំនួន 265,595 នៅពេលខ្ញុំបញ្ចូលពាក្យ “ភ្នាក់ងារធានារ៉ាប់រង” ។

2 ការណែនាំបន្តទៅដល់ការទិញធានារ៉ាប់រង។ បានចាត់ទុកថាជាស្ថានភាពល្អបំផុត។ អតិថិជនដែលពេញចិត្តនឹង​ណែនាំបន្ត​ទៅមិត្តភក្តិ។
គុណសម្បត្តិ៖ លោកអ្នកមិន​បាច់ទូរស័ព្ទទៅរកមនុស្សមិនស្គាល់។ តាមធម្មតាការណែនាំបន្តដល់ការទិញ ត្រូវបានបង្ហាញចំណាប់អារម្មណ៍រួចហើយមុនលោកអ្នកជួប។
គុណវិបត្តិ៖ អ្នកមិនអាចពឹងផ្អែកលើអតិថិជនសម្រាប់ការណែនាំបន្តដល់ការទិញធានារ៉ាប់រងទេ។ វាផ្តល់​លទ្ធផល​ ប្រសិនបើពួកគេចង់ប្រាប់រឿងរបស់អ្នកតែប៉ុណ្ណោះ។

3 បណ្តាញនៅទីផ្សារដែលមានតម្លៃទូទាត់ខ្ពស់។ លោកអ្នកចូលរួមជាមួយអង្គភាពត្រឹមត្រូវ អភិវឌ្ឍ មិត្តភាព និងផ្លាស់ប្តូរខ្លះដល់ទំនាក់ទំនងអាជីវកម្ម។
គុណសម្បត្តិ៖ វាជាយុទ្ធសាស្ត្រដែលមានកំណត់គោលដៅពីលើចុះក្រោម។ ប្រសិនបើពួកគេចាប់អារម្មណ៍ ពួកគេមានលក្ខណៈសម្បត្តិគ្រប់គ្រាន់ជាមុនដោយស្វ័យប្រវត្តិ។
គុណវិបត្តិ៖វាមានការកំណត់រយៈពេលយូរ។ វាគ្មានសកម្មភាព។

4 សិក្ខាសាលាសាធារណៈ។ លោកអ្នកផ្ញើសំបុត្រតាមប៉ុស្តប្រៃសណីយ៍ទៅផ្ទះអនាគតអតិថិជន។ មនុស្ស​នឹងចូលរួម ប្រសិនបើប្រធានបទនេះ កំណត់តាមពេលវេលា។
គុណសម្បត្តិ៖ លោកអ្នកទទួលបានលទ្ធផលភ្លាមៗ។
គុណវិបត្តិ៖ មានការចំណាយផ្សេងៗ ដើម្បីរៀបចំអ្នកមកស្តាប់ និង​ទទួលភ្ញៀវ​ព្រឹត្តិការណ៍​នេះ។

5 ការជួបឬការហៅទូរស័ព្ទដែលមិនស្នើសុំដើម្បីលក់អីវ៉ាន់ឬសេវាកម្ម។ ទោះបីជាច្បាប់បានផ្លាស់ប្តូរពាក់ព័ន្ធនឹងការជួបឬការហៅទូរស័ព្ទដែលមិនស្នើសុំដើម្បីលក់អីវ៉ាន់ឬសេវាកម្មនៅតាមបណ្តាប្រទេសជាច្រើនក៏ដោយ ក៏វានៅតែធ្វើឱ្យមានលទ្ធផលផងដែរ។
គុណសម្បត្តិ៖ វាជាសកម្មភាពដែលលោកអ្នកអាចធ្វើនៅពេលថ្ងៃ។ ក្រុមហ៊ុនរបស់អ្នកទំនងជាផ្តល់ជូនបញ្ជីអិតិថិជនដែលអសកម្ម។
គុណវិបត្តិ៖ ប្រទេសជាច្រើន មានច្បាប់ប្រឆាំងនឹងការជួបឬការហៅទូរស័ព្ទបែបនេះ។ តាមច្បាប់ផ្សេងៗទៀត វាជាការធ្វើខុសផ្នែកវប្បធម៌​ចំពោះការហៅ​ទូរស័ព្ទ​ប្រជាពលរដ្ឋ​នៅផ្ទះសម្រាប់កិច្ចការជំនួញ។

6 អាហារពេលល្ងាចសម្រាប់អតិថិជន/អនាគតអតិថិជន លោកអ្នកអញ្ជើញអតិថិជនពីរបីនាក់សម្រាប់អាហារពេលល្ងាច។ អតិថិជនម្នាក់ៗនាំមកមិត្តភក្តិម្នាក់។ កិច្ចការជំនួញមិនមែនជាប្រធានបទសន្ទនាសំខាន់ទេ។ អ្នកទាំងអស់គ្នា ចាកចេញដោយចូលចិត្តគ្នាទៅវិញទៅមក។ មនុស្ស​យើង​ធ្វើអាជីវកម្មជាមួយអ្នកដែលពួកគេចូលចិត្ត។
គុណសម្បត្តិ៖ ភ្ញៀវមានការទុក​ចិត្ត​ជាមុន​ដល់អ្នក​ប្រឹក្សា​ដោយ​សារអតិថិនជន។
គុណវិបត្តិ៖ អតិថិជនខ្លះមកដល់ដោយគ្មានភ្ញៀវម្នាក់មកជាមួយទេ ពីព្រោះពួកគេមិនពូកែខាងនិយាយរឿងរបស់អ្នក។

7 ម្ចាស់អាជីវកម្មដែលរំពឹងទុក។ ជាញឹកញាប់ពួកគេមានលុយ ត្រូវការផលិតផលធានារ៉ាប់រង ងាយស្វែងរក និងធ្វើការសម្រេចចិត្តយ៉ាងរហ័ស។
គុណសម្បត្តិ៖ ការហៅទូរស័ព្ទពីស្ថាប័នជំនួញមួយទៅស្ថាប័នជំនួញមួយទៀត ជាទូទៅមិនត្រូវបានហាមឃាត់តាមច្បាប់មិនត្រូវការហៅទូរស័ព្ទនោះទេ។
គុណវិបត្តិ៖ តាមធម្មតាម្ចាស់អាជីវកម្មមានកម្មវិធីត្រួតពិនិត្យដែលឆ្លើយតាមទូរស័ព្ទដែលមានប្រសិទ្ធភាពខ្ពស់។

8 ការចូលរួមនិយាយ។ លោកអ្នកនាំយកប្រធានបទដែលមានចំណាប់អារម្មណ៍ជាសាធារណៈ ទៅកាន់សមាគមម្ចាស់ផ្ទះនិងក្រុមផ្សេងទៀត ដែលផ្តល់ជូនកិច្ចប្រជុំឬសកម្មភាពសម្រាប់សមាជិក។
គុណសម្បត្តិ៖ មាននរណាម្នាក់ផ្សេងទៀត ប្រមូលផ្តុំទស្សនិកជន។ លោកអ្នកអាចកំណត់គោលដៅអ្នកជំនាញ។
គុណវិបត្តិ៖ ការប្រើយុទ្ធសាស្ត្រនេះបានអាចពិបាក ប្រសិនបើពួកគេគិតថា វាជាបទបង្ហាញអំពីការលក់។

9 ការផ្ញើសំបុត្រតាមប៉ុស្តប្រៃសណីយ៍។ ពួកគេបង្កើតការទទួលស្គាល់ឈ្មោះ។ វាជាហ្គេមចំនួលេខ។
គុណសម្បត្តិ៖ វាដំណើរការបើមានចំនួនច្រើន និងការផ្ញើសំបុត្រតាមប៉ុស្តប្រៃសណីយ៍ម្តងហើយម្តងទៀត។
គុណវិបត្តិ៖ អត្រាឆ្លើយតបមានកម្រិតទាបណាស់។ ចំនួនច្រើន មានន័យថាចំណាយខ្ពស់។

10 ការស្នើសុំមិត្តភក្តិឱ្យ​ផ្តល់កិច្ចការជំនួញ។ នៅឆ្នាំ 2013 កាសែតម New York Times ចេញអត្ថបទមួយដែលអះអាង​ថា​ជនជាតិអាមេរិកម្នាក់​ជាមធ្យមស្គាល់មនុស្ស​ប្រហែល 600 នាក់។ តើពួកគេដឹងថា លោកអ្នកធ្វើអ្វីឬទេ?
គុណសម្បត្តិ៖ លោកអ្នកកំពុងបង្កើនភាពមើលឃើញជំនាញវិជ្ជាជីវៈរបស់អ្នកក្នុងចំណោមអ្នកដែលចូលចិត្តលោកអ្នក។
គុណវិបត្តិ៖ វាជាយុទ្ធសាស្ត្រអសកម្មភាពដែលមានរយៈពេលយូរ។

11 ព្រឹត្តិប័ត្រព័ត៌មាន និងព្រឹត្តិប័ត្រអេឡិចត្រូនិក។ លោកអ្នកមានបញ្ជីរាយឈ្មោះអ្នកដែលចាប់អារម្មណ៍។ ជារៀងរាល់ពីរបីសប្តាហ៍ ពួកគេទទួលបានដំណឹងពីលោកអ្នកជាមួយអត្ថបទដែលផ្តល់ជូនការណែនាំផ្នែកហិរញ្ញវត្ថុទូទៅ ឬនិយាយអំពីប្រធានបទស្តីពីរបៀបរស់នៅ។
គុណសម្បត្តិ៖ លោកអ្នកបង្កើតការទទួលស្គាល់ឈ្មោះ និងមានគំនិតកម្រិតកំពូល។
គុណវិបត្តិ៖ វាជាយុទ្ធសាស្ត្រអសកម្ម។ វាពិបាកចំពោះការជម្រុញឱ្យមានលទ្ធផល។

12 ការផ្សាយពាណិជ្ជកម្មតាមវិទ្យុនិងទូរទស្សន៍។ លោកអ្នកបានឃើញកម្មវិធីសម្តែងតាមរទស្សន៍សាធារណៈក្នុងស្រុក ដែលឧបត្ថម្ភដោយអ្នកប្រឹក្សាយោបល់ផ្នែកហិរញ្ញវត្ថុ។ លោកអ្នកប្រហែលជាធ្លាប់ឮអំពីការផ្សាយពាណិជ្ជកម្មតាមវិទ្យុនៅម៉ោងដែលមានមនុស្សជាច្រើនធ្វើដំណើរតាមរថយន្ត។
គុណសម្បត្តិ៖ លោកអ្នកជួបទស្សនិកជនដ៏ច្រើន។ 
គុណវិបត្តិ៖ វាថ្លៃ ហើយជានិច្ចកាលត្រូវការធ្វើម្តងហើយម្តងទៀត។

យុទ្ធសាស្រ្តទាំង 12 នេះ មានមូលហេតុថាហេតុអ្វីពួកគេផ្តល់​ផល​រួមជាមួយមូលហេតុដែលពួកគេមិន​ផ្តល់ផល​​។ សំណាងល្អ យើង​អាចរកឃើញវិធីសាស្រ្តដោះស្រាយបញ្ហានេះ។

Bryce Sanders ជានាយកក្រុមហ៊ុន Perceptive Business Solutions Inc។ លោកបានផ្តល់ជូនការបណ្តុះបណ្តាលស្តីពីការទទួលបានអតិថិជនដែលមានតម្លៃទូទាត់ខ្ពស់សម្រាប់ឧស្សាហកម្មផ្នែកសេវាកម្មហិរញ្ញវត្ថុ។

ទំនាក់ទំនង៖
Bryce Sanders
perceptivebusiness.com