ការជម្នះលើការភ័យខ្លាចការបដិសេធ

ការបដិសេធគឺគ្រាន់តែជាមតិយោបល់មួយ ហើយរឿងមួយដែលយើងមានភាពសម្បូរបែបនោះ គឺមតិយោបល់។ អ្នកទាំងអស់គ្នាសុទ្ធតែមានមតិយោបល់  ហើយពួកគេមិនអាចរង់ចាំប្រាប់លោកអ្នកថាពួកគេមានអារម្មណ៍ចំពោះអ្វីមួយយ៉ាងដូចម្តេចឡើយ។ ប៉ុន្តែការបដិសេធមិនមានអ្វីក្រៅពីមតិយោបល់ និងចំណង់ចំណូលចិត្តរបស់អ្នកបដិសេធឡើយ។ វាប្រហែលជាកើតឡើង​ដោយ​សារអ្នកបដិសេធជាជាង​អ្នក​ ដែលត្រូវបានគេបដិសេធ។ ទោះយ៉ាងណាក៏ដោយ ក៏យើងយល់ខុសអំពី​ការបដិសេធ​ដោយ​គិត​ថាវា​ជាសេចក្តីពិតមួយអំពីរូប​អ្នក​ ហើយទទួលយកការបដិសេធនេះផ្ទាល់​ខ្លួន។

វាជាការភ័យខ្លាចពីការបដិសេធ ដែលពិតជាធ្វើឱ្យយើងគ្មានសមត្ថភាព។ តាមពិតមនុស្សដែលពិតជាបានផ្លាស់ប្តូរពិភពលោក ដែលបានផ្លាស់ប្តូររបៀប​ដែលយើងរស់នៅ របៀបដែលយើងគិត និងរបៀបដែលយើង​ប្រព្រឹត្តចំពោះគ្នា​ទៅវិញទៅមក ​ ទទួលរងការបដិសេធដំបូង ហើយជាញឹញាប់បានរងការបដិសេធប្រកបដោយអំពើហឹង្សា។ ប៉ុន្តែពួក​គេ​មិន​បាន​រត់​គេច​នោះទេ។

មនុស្សដូចជា Martin Luther King Jr., Mahatma Gandhi ឬ Nelson Mandela មិនបានអនុញ្ញាតឱ្យការបដិសេធកំណត់អត្តសញ្ញាណរបស់ពួកគេទេ។ ពួកគេអនុញ្ញាតឱ្យមានប្រតិកម្មផ្ទាល់ខ្លួន បន្ទាប់ពី​ការបដិសេធព្យាយាមកំណត់​អត្តសញ្ញាណពួកគេផ្ទាល់។ ហើយពួកគេបានទទួលយកការបដិសេធ។

លោកអ្នកមិនត្រូវការចាំបាច់ក្លាយជាមនុស្សទាំងនេះ ដើម្បីទទួលយកការ​បដិសេធនោះទេ។ នៅពេលលោកអ្នកត្រូវបានគេបដិសេធនោះ ត្រូវថយចេញឆ្ងាយ ជំនួសវិញ ហើយសួរខ្លួនឯងថា “តើខ្ញុំសមនឹងការបដិសេធនេះឬទេ?"

យើងខ្លាចការបដិសេធ ពីព្រោះយើងគិតថាវាអស់សង្ឃឹមនិងគួរឱ្យខ្លាច។ ពេលខ្លះយើងចុះចាញ់។ យើងមានអារម្មណ៍ថា យើងកំពុងតែទទួលបានអ្វីដែលអស់សង្ឃឹម នៅពេលយើងឮពាក្យថា “ទេ” ដូច្នេះតាមរយៈការជៀសវាងពីភាពអស់សង្ឃឹមនោះ យើងនឹងសម្រេចគោលបំណងដែលមានសង្ឃឹម មែនទេ?

រឿងនោះ គ្រាន់តែជាការកុហកប៉ុណ្ណោះ។ ការកុហក​ដើម្បីលួងចិត្ត​ឱ្យ​សុខ​ស្រួល។ នៅពេលលោកអ្នកមិននៅទីនោះ ដើម្បី​ទទួលរង​ការបដិសេធ​ដោយសារ​តែលោកអ្នកខ្លាចនោះ លោកអ្នកកំពុងបដិសេធខ្លួនឯងជាស្រេចទៅហើយ។ ប្រសិនបើនរណាម្នាក់បដិសេធលោកអ្នក សូមឱ្យមនុស្សទូទៅបដិសេធលោកអ្នក ហើយមិនត្រូវបដិសេធខ្លួនឯងទេ។

— Jia Jiang, ស្ថាបនិកនៃការសិក្សា Wuju

ការណែនាំបន្តដល់ការទិញធានារ៉ាប់រងដោយមិនបាច់សាកសួរ

ការស្នើសុំការណែនាំបន្តដល់ការទិញធានារ៉ាប់រង អាចមានបញ្ហាពិបាក។ Kyriakos Chatzistefanou ទទួលស្គាល់រឿងនេះ ហើយនេះជាមូលហេតុដែលលោកបានបង្កើតវិធីសាស្រ្តដោះស្រាយដែលទទួលបានការណែនាំបន្តដល់ការទិញធានារ៉ាប់រង ដោយមិនចាំបាច់សាកសួរដោយផ្ទាល់។

នៅពេល Chatzistefanou ជាសមាជិក MDRT រយៈពេល 11 ឆ្នាំ មកពី Thessaloniki​ ប្រទេសក្រិក ជួបជាមួយអតិថិជន​ដ៏ល្អបំផុត​ម្នាក់របស់​លោកនោះ​ លោកចាប់ផ្តើមការពិភាក្សា​យ៉ាងរាក់ទាក់ដោយមាន​ការបំផុសគោលដៅមួយចំនួន។

• “ខ្ញុំចង់ដឹងអំពីបទពិសោធន៍ ដែលយើងធ្លាប់មានជាមួយគ្នា”។ របាយការណ៍នេះ ជម្រុញលើកទឹកចិត្តអតិថិជនឱ្យគិតដល់អ្វីដែលពួកគេពេញចិត្តក្នុងការធ្វើការងារជាមួយ Chatzistefanou ។ លោកបន្តសួរសំណួរនានា ដើម្បីជួយពួកគេ​ឱ្យ​បង្កើត​គំនិតឱ្យបានច្បាស់ ដូចជាការសួរអ្វីខ្លះដែលពួកគេបានយល់ដឹងពីដំណើរការនេះ។
• “ខ្ញុំចង់ឱ្យលោកអ្នកប្រាប់អ្នកដទៃទៀតអំពីការងារដែលយើងបានធ្វើជាមួយគ្នា?” ការណ៍នេះ ជាវិធី​ណែនាំអតិថិជន​ដោយ​ប្រ​យោល​​ឱ្យ​ពួកគេ​ពិភាក្សាជាមួយអ្នកដទៃទៀត អំពីបទពិសោធន៍របស់ពួក​គេ​ក្នុង​ការ​ធ្វើការជាមួយលោក។
• “តើអ្នកណាជាមនុស្សពីរនាក់ដំបូងដែលស្ថិតនៅក្នុងចិត្ត  ដែលលោកអ្នកចង់ប្រាប់? Chatzistefanou កំពុងជួយពួកគេឱ្យរកឃើញឈ្មោះ ដើម្បីបញ្ជូនទៅលោកដោយមិនចាំបាច់សាកសួរពួកគេដោយផ្ទាល់ទេ។
• “តើមានអ្វីកើតឡើងនៅក្នុងជីវិតរស់នៅរបស់ពួកគេ ដែលធ្វើឱ្យវាមានសារៈសំខាន់ចំពោះពួកគេ ក្នុង​ការជួបជាមួយខ្ញុំ? សំណួរនេះ ជួយ Chatzistefanou ចាប់ផ្តើមស្វែងយល់អំពីការផ្លាស់ប្តូរជីវិតសំខាន់ៗដែលអាចធ្វើឱ្យពួកគេ​ក្លាយ​ជា​អនាគតអតិថិជនដ៏ល្អ ហើយវាពង្រឹងគំនិតឡើងវិញ ដែលថាលោកគួរតែជួបជាមួយពួកគេ។
• “តើអ្នកបានជួបពួកគេលើកចុងក្រោយនៅពេលណា?” ប្រសិនបើវាជាសមាជិកគ្រួសារ ឬមិត្តរួមការងារ ដែលអតិថិជនជួបជាទៀងទាត់នោះ Chatzistefanou អាចសន្មតថាពួកគេបាន​ដឹង​​នូវអ្វីដែល​កំពុងកើតឡើងនៅក្នុងជីវិតរស់នៅរបស់អនាគតអតិថិជន​រូបនេះ។ ប្រសិនបើវាមានរយៈពេលយូរជាងនេះ អាចនិយាយថាមួយឆ្នាំ - នោះលោកមានការងារជាច្រើនទៀត ដែលត្រូវធ្វើបញ្ចប់បញ្ហាដែលអាចកើតមានឡើង។

Chatzistefanou ធ្វើបច្ចុប្បន្នភាពឯកសារដែលកំពុងដំណើរការ ជាមួយ​អ្វីៗទាំអស់ដែលលោកបានស្វែងយល់អំពីអនាគតអតិថិជន។ ការណ៍នេះផ្តល់ជូនលោកនូវផ្នែកជាក់លាក់ដែលលោកត្រូវ​និយាយ ​នៅពេល​លោក​ទាក់ទង​អ្នក​ទទួល​ការ​ណែនាំឱ្យ​​មករក​លោក​លើកដំបូង ដែលតាមពិតទៅលោកមិនដែលស្នើសុំជួបបុគ្គល​នោះឡើយ។