បង្កើតកម្រិតថ្នាក់

យើងបែងចែកអតិថិជនរបស់យើងជាបីថ្នាក់ផ្សេងគ្នាដើម្បីសម្របដំណើរការរបស់យើងចំពោះតម្រូវការជាក់លាក់របស់ពួកគេ។ ថ្នាក់ទី 1 ពាក់ព័ន្ធនឹងអតិថិជនដែលត្រូវការរៀបចំផែនការស្មុគស្មាញបំផុត (កិច្ចប្រជុំប្រាំមួយ) ។ ថ្នាក់ទី 2 អតិថិជនត្រូវការរៀបចំផែនការមិនសូវស្មុគស្មាញ (កិច្ចប្រជុំបួន) ។ ថ្នាក់ទី 3 អតិថិជនមានការរៀបចំផែនការដែលមានចំនួនតិចបំផុត ហើយមានប្រតិបត្តិការច្រើន។

— Elizabeth M. Dipp Metzger, CFP, MSFS, El Paso, តិចសាស, ជាសមាជិករយៈពេល 7 ឆ្នាំ

នៅពេលខ្ញុំចាប់ផ្តើមមានទំនាក់ទំនងជាមួយអតិថិជន ខ្ញុំនិយាយថា “អ្នកប្រាប់ខ្ញុំយ៉ាងច្បាស់អំពីអ្វីដែលអ្នកចង់ធ្វើ។ បន្ទាប់មកខ្ញុំនឹងប្រើបទពិសោធន៍របស់ខ្ញុំ ដើម្បីពិនិត្យមើល និងផ្តល់ការណែនាំដល់អ្នក។ ប្រសិនបើខ្ញុំគ្រាន់តែទទួលយកការណែនាំពីអ្នក លោកអ្នកគ្រាន់តែជាអតិថិជនម្នាក់ប៉ុណ្ណោះ។”

— Douglas John Bennett, Dip PFS, ក្រលឡេយ, ប្រទេសអង់គ្លេស, ជាសមាជិករយៈពេល 11 ឆ្នាំ

 

ទទួលអាហារថ្ងៃត្រង់សម្រាប់ភ្ញៀវ

យើង​មានអ្នក​តំណាង​ក្រុមហ៊ុនធានារ៉ាប់រង​និងក្រុមហ៊ុន​វិនិយោគចម្រុះយ៉ាងច្រើនដែលចូលមកការិយាល័យរបស់យើង ហើយតែងតែចង់អញ្ជើញយើងចេញទៅក្រៅទទួលទានអាហារថ្ងៃត្រង់ ប៉ុន្តែការចេញទៅក្រៅទទួលទានអាហារថ្ងៃត្រង់នោះ វាបាត់ពេលវេលាច្រើនក្នុងមួយថ្ងៃៗ។

ដូច្នេះ ឥឡូវនេះយើងមានអាហារថ្ងៃត្រង់សម្រាប់ពួកគេនៅការិយាល័យដូចជាផ្ទះរបស់យើង។ អ្នកតំណាងចូលមក ហើយនិយាយថា “តើអ្នកបានជ្រើសរើសកន្លែងល្អសម្រាប់អាហារថ្ងៃត្រង់ហើយឬនៅ? តើយើងទៅណា? ខ្ញុំនិយាយថា “មែនហើយ តោះពិនិត្យមើល” បន្ទាប់មកយើងនឹងឡើងទៅជាន់ខាងលើ តាមធម្មតានៅលើរានហាលនៅក្រោយផ្ទះដ៏ស្រស់ស្អាតរបស់យើង ហើយយើងបានរៀបចំអាហារថ្ងៃត្រង់សម្រាប់ពួកគេ។ ពួកគេចូលចិត្តអាហារថ្ងៃត្រង់។

ពួកគេចងចាំខ្ញុំគ្រប់ពេលវេលា។ ខ្ញុំទទួលបានរង្វាន់តូចៗជាច្រើន ដែលថ្លែងអំណរគុណចំពោះខ្ញុំ ដែលបានផ្តល់អាហារថ្ងៃត្រង់ដល់ពួកគេ។ វាដំណើរការបានល្អណាស់ ហើយ​យើងបានចាប់ផ្តើមរៀបចំអាហារថ្ងៃត្រង់សម្រាប់អតិថិជនរបស់យើងផងដែរ។ យើងនឹងបរិភោគអាហារសាមញ្ញ - សាឡាត់ជាមួយសាច់អាំង។ ប្រសិនបើពេលវេលានោះ នៅថ្ងៃរសៀល អាចមានស្រាមួយកែវសម្រាប់អតិថិជនល្អៗផងដែរ។ វាធ្វើឱ្យមានការធ្វើដំណើរទៅការិយាល័យរបស់យើង ពិតជាអាចចងចាំយ៉ាងខ្លាំង។

— Beth Lachance Hesson, CLU, CFP, មីតហើស, អនតារីយោ, កាណាដា, ជាសមាជិករយៈពេល 24 ឆ្នាំ

 

ការរីកចម្រើនជាមួយ CRM

ការអនុវត្តប្រើប្រព័ន្ធគ្រប់គ្រងទំនាក់ទំនងអតិថិជនគ្រប់យ៉ាងទូលំទូលាយ បានបង្កើនផលិតភាពរបស់យើង និងអនុញ្ញាតឱ្យបុគ្គលិករបស់យើងស្វែងរកព័ត៌មានបានឆាប់រហ័ស។ ការណ៍នេះក៏អនុញ្ញាតឱ្យយើងរកឃើញភាពស្រដៀងគ្នារវាងអតិថិជនសម្រាប់ព្រឹត្តិការណ៍ ការរៀបចំបណ្តាញ និងសិក្ខាសាលាផងដែរ។ ការលៃតម្រូវកិច្ចប្រជុំនីមួយៗតាមតម្រូវការអតិថិជនម្នាក់ៗ បាននាំឱ្យមានការណែនាំបន្តដល់ការទិញនិង​ការរីកចម្រើនអាជីវកម្មកាន់តែច្រើនឡើង។

— Kasey Massatti, Damascus, Maryland, ជាសមាជិក MDRT រយៈពេល 34 ឆ្នាំ

 

របៀបគិតក្រដាស់ប្រាក់ $100 ដុល្លារ

នៅខែវិច្ឆិកា ខ្ញុំហុច​ក្រដាស់ប្រាក់ $100 ដុល្លារថ្មីមួយ​សន្លឹកទៅនិយោជិតរបស់យើងក្នុងម្នាក់ចំនួន 30 នាក់ ហើយបានស្នើសុំឱ្យពួកគេប្រើវា ដើម្បីចេញទៅក្រៅ និងធ្វើឱ្យមានភាពខុសផ្លាស់ប្តូរនៅក្នុងជីវិតរស់នៅរបស់នរណាម្នាក់។ នៅកិច្ចប្រជុំលើកក្រោយរបស់ពួកគេ ពួកគេនឹងអនុញ្ញាតឱ្យយើងដឹងពីរបៀបដែលពួកគេបានប្រើលុយនោះ។

នៅកិច្ចប្រជុំនៅខែធ្នូ បុគ្គលិករបស់យើងម្នាក់ៗ​បានចែករំលែករឿង​រ៉ាវពួកគេអំពី​របៀប​ដែលពួកគេបានប្រើលុយ $100 ដុល្លារ។ មានការអបអរសាទរ ការសើច ការយំ — វាពិតជាអារម្មណ៍ដ៏អស្ចារ្យបំផុត!

អ្នកទាំងអស់គ្នានឹងចងចាំ​កិច្ចប្រជុំមួយនោះ​ នៅពេលដែល​យើង​ទាំងអស់​គ្នាបាន​ចែករំលែកពីរបៀបដែលយើង​ផ្លាស់ប្តូរ​ជីវិត។ វាធ្វើឱ្យមានភាពផ្លាស់ប្តូរ​នៅក្នុងជីវិតរបស់មនុស្សផ្សេងទៀត ហើយវានឹងធ្វើឱ្យមានភាពផ្លាស់ប្តូរ​នៅក្នុងជីវិតរបស់អ្នកផងដែរ។

— Daniel M. Boardman, CLU, CFP, បឺលីងតុន, វើដ្យីននៀ, ជាសមាជិករយៈពេល 25 ឆ្នាំ

ខ្ញុំប្រាប់អតិថិជនថា “​យ៉ាង​ណាក៏ដោយ​ ក៏អ្នកនឹងបន្សល់ទុកមរតកមួយដែរ។ ឥឡូវនេះយើងអាចរៀបចំវា និងកំណត់មរតកនេះ ឬអ្នកអាចឱ្យកូនៗ រដ្ឋាភិបាល ឬមន្ទីរថែទាំមនុស្សចាស់កំណត់វា។ សម្រេចចិត្ត​សម្រាប់​ជីវិតរបស់ខ្លួន​អ្នក កុំ​ឱ្យ​អ្នក​ដ៏ទៃសម្រេច​ជំនួស”។

— Joseph Spinelli, FICF, LUTCF, តាល់ឡាហាស៊ី, ហ្វ្លរីដា, ជាសមាជិករយៈពេល 8 ឆ្នាំ

 

តាមដានដូចពេទ្យធ្មេញ

ខ្ញុំមិនអាចប្រាប់អ្នកបានទេ ថាតើមាន​អ្នកផ្តល់ប្រឹក្សាយោបល់​ប៉ុន្មាន​នាក់ដែល​ខ្ញុំបាន​ជួប ដែលនឹងចំណាយប្រាក់យ៉ាងច្រើន ដើម្បីទទួលបាន​មុខ​សញ្ញា​អតិថិជន​ដែល​មានសក្តានុពល និងបង្កើតយុទ្ធ​នាការ​ទីផ្សារដ៏រឹង​មាំមួយ ប៉ុន្តែបន្ទាប់មកមិនចំណាយពេលវេលានិងការខំប្រឹងប្រែងច្រើន ដើម្បីតាមដានអនាគតអតិថិជនទាំងនោះទេ។ សម្រាប់ការលាងសម្អាតធ្មេញប្រចាំឆ្នាំធម្មតារបស់ខ្ញុំនោះ ពេទ្យធ្មេញរបស់ខ្ញុំនឹងហៅទូរស័ព្ទមកខ្ញុំពីរដងតាមទូរស័ព្ទ ផ្ញើសារអត្ថបទមកខ្ញុំ ផ្ញើកាតប្រៃសណីយ៍​ក្នុងសំបុត្រ ហើយផ្ញើអ៊ីម៉ែលមកខ្ញុំ ដើម្បីបញ្ជាក់ពីការលាងសម្អាតធ្មេញតម្លៃ $60 ដុល្លាររបស់ខ្ញុំ។

ពេទ្យធ្មេញយល់ដឹងថាវាមានប្រសិទ្ធភាពប៉ុណ្ណា​ប្រសិនបើពួកគេប្រាកដក្នុង​ចិត្ត​ថា​ថាការណាត់ជួបរបស់ពួកគេ ត្រូវបានរក្សាទុក។ អតិថិជនរបស់អ្នកកំពុងនិយាយអំពីការធ្វើអាជីវកម្មជាមួយអ្នក ដែលមានទឹកប្រាក់រាប់ពាន់ រាប់រយពាន់ រាប់លានដុល្លារ — មិនត្រូវហៅទូរស័ព្ទទៅរកពួកគេតែមួយដងនៅខណៈពេលពេទ្យធ្មេញរបស់ពួកគេ នឹងទាក់ទងពួកគេអំពីគ្រប់ចំណុច​ទាំងអស់នេះ។

— Ali Hashemian, CFP, MBA, Los Angeles, California, ជាសមាជិករយៈពេល 6 ឆ្នាំ

 

ធ្វើ​តាម​សម្រួល

ថ្ងៃរវល់សម្រាប់ខ្ញុំ គឺមានការណាត់ជួបចំនួនពីរ។ ខ្ញុំមិនចង់ឱ្យអតិថិជនគិតថា ពួកគេត្រូវប្រញាប់និងចេញទៅទេ;  ខ្ញុំព្យាយាមចូលរួមយ៉ាងសកម្មដើម្បីគិត ហើយអនុញ្ញាតឱ្យពួកគេនិយាយបាន។ ការធ្វើ​ដូច្នោះអនុញ្ញាតឱ្យពួកគេគិតកាន់តែច្រើន និងបង្ហាញកាន់តែច្រើន ហើយមិនមានការដាក់សម្ពាធទេ។

— Robert L. Avery, CLU, ChFC, ដេនវើ, កូឡូរ៉ាដូ, ជាសមាជិករយៈពេល 33 ឆ្នាំ

 

ការបម្រុងទុកហិរញ្ញវត្ថុ

ខ្ញុំចូល​ចិត្ត​ប្រាប់អ្នកទាំងអស់គ្នាថា យើងស្ថិតនៅក្នុងអាជីវកម្មដែលមានបម្រុងទុកហិរញ្ញវត្ថុ។ ខ្ញុំមិនអាចប្រាប់អ្នកថាពេលណាមានភ្លៀង ឬនឹងមានភ្លៀងយូរប៉ុណ្ណា   ឬភ្លៀងខ្លាំងប៉ុណ្ណាទេ ប៉ុន្ដែខ្ញុំអាចប្រាប់​អ្នក​បាន​ថានៅពេលណាមួយក្នុងជីវិតរបស់អ្នកថា វានឹងមានភ្លៀង។ វាប្រហែលជាគ្រាន់តែរលឹមស្រិចៗបន្តិចប៉ុណ្ណោះ — អ្នកអាចឈឺ ហើយត្រូវទៅជួបគ្រូពេទ្យ ហើយត្រូវការនរណាម្នាក់បង់វិក្កយបត្រពេទ្យ — ឬវាអាចនឹងមានភ្លៀងយ៉ាងខ្លាំង — អ្នកឈឺខ្លាំង ដែលអ្នកមិនអាចវិលត្រឡប់ទៅធ្វើការវិញបាន —  ឬវាអាចជាខ្យល់ព្យុះ — លោកអ្នកទទួលមរណភាព ហើយគ្រួសាររបស់អ្នក ត្រូវការការគាំទ្រ។ ចុងក្រោយ​​វា​គឺជាការនិយាយអំពីការថែរក្សាសេចក្តី​ថ្លៃថ្នូររបស់មនុស្ស​។

— Robert B. Plybon, CLU, ChFC, ហ្គ្រីនស្បូរូ, ការូលីនណាខាងជើង, ជាសមាជិករយៈពេល 42 ឆ្នាំ

 

ស្ថិតិធ្វើឱ្យក្លាយជាការពិត

នៅពេលធ្វើការជាមួយអតិថិជន និងអនាគតអតិថិជនសូមបង្ហាញស្ថិតិដែលមានតារាងមរណភាព។ វាគ្រាន់តែជាក្រា​ហ្វិកដែលមានរបាចំនួនបី ដែលបង្ហាញថាអ្នកណាម្នាក់នឹងរស់នៅបានយូរប៉ុណ្ណា។ ហើយនោះ ផ្លាស់ប្តូរភាពស្វាហាប់នៃការសន្ទនា។

នៅពេលអ្នកអាចបង្ហាញអតិថិជនម្នាក់ថា មានឱកាស 25 ភាគរយ ដែលពួកគេនឹងមានអាយុ 99 ឆ្នាំនោះ វាផ្លាស់ប្តូរទស្សនៈរបស់ពួកគេ។ ប្រសិនបើអ្នកកំពុងនិយាយអំពីដំណើរការរៀបចំផែនការចូលនិវត្តន៍ ពួកគេអាចចាប់ផ្តើមមើលឃើញថា “បាទ/ចាស ខ្ញុំនឹងត្រូវការវារយៈពេលជាច្រើនឆ្នាំជាងអ្វីដែលខ្ញុំបានគិតទៅទៀត”។

— Stuart J. Birkel, CSA, ន័រហ្វក, រើដ្យីននៀ, ជាសមាជិករយៈពេល 12 ឆ្នាំ

 

តើអ្នកនឹងដេកដោយរបៀបណា?

ចំពោះការជួបអតិថិជនម្នាក់
ប្រសិនបើអតិថិជនមើលទៅ ឬធ្វើសកម្មភាពដូចជាពួកគេ អាចនឹងមានបញ្ហាលំបាក ហើយអ្នកសួរថា “តើអ្វីៗទាំងអស់ មិនអីទេឬ?” ពួកគេប្រហែលជាមិនបើកទូលាយក្នុងការនិយាយស្តីជាមួយអ្នកឡើយ។ ទោះយ៉ាងណាក៏ដោយ ប្រសិនបើអ្នកសួរអតិថិជនដដែលថា “តើអ្នកដេកបានស្កប់ទេ?" ភាគច្រើនពួកគេនឹងប្រាប់អ្នកអំពីអ្វីដែលរំខានពួកគេ។

— D. Scott Brennan, អ៊ីនឌីយ៉ាណា, ជាសមាជិករយៈពេល 35 ឆ្នាំ និងជានាយក 2013 MDRT

ធ្វើបទសម្ភាសន៍អំពីការស្នាក់នៅ

វាមានសារៈសំខាន់ណាស់ក្នុងការធ្វើសម្ភាសន៍ជាមួយនិយោជិតដែលកាន់តំណែងយូររបស់អ្នកដូចនឹងការធ្វើសម្ភាសន៍បុគ្គលិក​ពេល​ចាកចេញផងដែរ។ ហេតុអ្វីនិយោជិតរបស់អ្នកស្ថិតនៅបន្ត? តើមានអ្វីដែលសំខាន់សម្រាប់ពួកគេ? ហេតុអ្វីពួកគេ បានមកបម្រើការងារឱ្យក្រុមហ៊ុនរបស់អ្នក? តើមានអ្វីនឹងធ្វើឱ្យពួកគេចាកចេញឬទេ? តើពួកគេចង់ឃើញអ្វី ដែលគួរផ្លាស់ប្តូរ ឬមានភាព​ប្រសើរ​ឡើង​ឬ​ទេ? ប្រើព័ត៌មាននេះ ដើម្បីពង្រឹងយុទ្ធសាស្ត្រស្តីពីការរក្សាទុកបុគ្គលិករបស់អ្នក។

— Theodore S. Rusinoff, CFP, Stow, អូហ៊ីយោ, ជាសមាជិករយៈពេល 11 ឆ្នាំ
— Diane L. McCurdy, CFP, EPC, Vancouver, British Columbia, កាណាដា, ជាសមាជិករយៈពេល 36 ឆ្នាំ